8 مــــــــارس

موضوع: 8 مــــــــارس الخميس مارس 07, 2013 2:02 pm

الشاعر الزجال ميراني الناجي

بمناسبة اليوم العالمي للمرأة أهدي هذه القصيدة التي سبق لها أن نُشرت وتُوجت من طرف وزارة التربية الوطنية بالرباط بتاريخ 8 مارس 2007 ....

أهديها إلى المرأة المغربية ومن خلالها إلى جميع نساء العالم...

8 مــــــــارس

لْيُومْ لْيُومْ
بِكْ نَحْتَفِي
نَهْدِي لِيكْ مَشْمُومْ
مْطَرَّزْ بْلَقْوَافِي
لْيُومْ يَا بَنْتْ النَّاسْ
غَنِّيتَكْ مُوَّالْ
يْزَيَّنْ لَعْرَاسْ
وَرْسَمْتَكْ خْيَالْ
فْ يُومْ 8 مَارْسْ
**********
وَانَا شَاعِرْ جَوَّالْ
سَمْعِينِي يَا بَنْتْ النَّاسْ
انْتِ فْ الدَّنْيَا هْلاَلْ
لْيُومْ عِيدَكْ رَفْعِي الرَّاسْ
رْفَعْتِي رَاسْ لَقْصِيدَة
وَصْنَعْتِينِي زَجَّالْ
مَا تْخَلْعُو لَمْصِيدَة
وَلاَ قْوَافِي لَهْبَالْ
انْتِ فْ السَّاحَة مَعْمَلْ
وَانْتِ فْ لَفْلاَحَة مَنْجَلْ
انْتِ يَا بَنْتْ النَّاسْ
انْتِ صْنَعْتِي لَجْيَالْ
عَلَّمْتِيهِمْ لَحْرُوفْ
يَتْحَدَّاوْ الْمُحَالْ
مَا يْخَافُو مَنْ خُوفْ
كَبْرُو وَلاَّوْ رْجَالْ
لْيُومْ يَا بَنْتْ النَّاسْ
عِيدَكْ بِالصَّرَاحَة
عِيدْ جْمِيعْ النَّاسْ
لِيكْ نْفَرَّشْ وَاحَة
بِالْجُوهَرْ وَالْمَاسْ
وُفْ كُلّْ شَارِعْ وُسَاحَة
نْكَتْبُو 8 مَارْسْ
**********
وَانَا شَاعِرْ زَجَّالْ
الْيُومْ بِيكْ نَحْتَفِي
مَا نَمْلَكْ لاَ مَالْ
مَا عَنْدِي غِيرْ لَقْوَافِي
وَنْتِيَا الْأَمَالْ
آمَالْ جْمِيعْ النَّاسْ
انْتِ فْ الدَّنْيَا عِيدْ
وُبِالْحُرِّيَة وَالَعْقَلْ
بِيكْ لَبْلاَدْ تْزِيدْ
مُحَالْ تَرْضَايْ بِالذَّلْ
مُحَالْ تَرْضَايْ بِالْقِيدْ
وَتْعِيشِي تَحْتْ الظَّلْ
مُحَالْ يَا بَنْتْ النَّاسْ
وَلْيُومْ 8 مَارْسْ
**********
قْبَلْ مَا نْقَفْلُو لَكْلاَمْ
نَهْدِيوْا فْ هَاذْ لَمْقَامْ
أَجْمَلْ تَحِيَّة
لِلْمَرْأَة الْمَغْرِبِيَّة
فْ جْمِيعْ لْمَيَادِينْ
تَحِيَّة لْقَاسَمْ أَمِينْ
وَللْمَرْأَة فِي فِلِسْطِينْ
وُفْ كُلّْ بْلاَدْ حْزِينْ
مْكَبَّلْ بِالْجَهْلْ يْنِينْ
تَحِيَّة كُلّْهَا إِحْسَاسْ
لِيكْ يَا بَنْتْ النَّاسْ
فْ يُومْ 8 مَارْسْ

**********
الشاعر الزجال ميراني الناجي

merci b

merci b

de rien